除了比我更常唱k的潮爹，我發現最近媽也學多了潮語！
而且，都用在特定情況下......
************************************************************************************
數月前，一個懶洋洋的週末下午......
媽：(向我)妳終於起身嗱?!
(向電話筒裡的某人)唔係同你講！係我個女呀！
我宜家咩問題都無，啲股票都已經唔係問題喇！
宜家我全間屋最大嘅問題係有個掹車邊80後嘅「剩女」！
************************************************************************************
昨午接到家裡來電......
媽：妳好似好多晚都無返嚟食飯喎！
我：係呀！會一路維持到下個禮拜！full凸！
媽（直截了當地）：係咪溝仔?! （o_O)
我（反應一貫快）：好明顯係"待溝"啦～
媽（窮追猛打）：咁溝到未？
我（宣佈投降）：未！
媽（死心不息）：「升呢」加多兩錢魅力得唔得？（=.="）
我（最後反抗）：媽！妳當年生我咁多就咁多！我盡咗！
對話在兩母女一片鬧笑聲中結束！^^v
************************************************************************************
回復單身以來，媽都異常緊張我的感情狀況，其實我是知道的。
感謝她放棄讓人雞皮疙瘩的語重心長表達方式，
轉用她那獨有的傻氣，輕鬆地表現。
因為無論何種方式，對事情都不會有所影響的。
我相信緣份。
我維護自我。
我繼續任性。
