約了精神科醫生覆診的時間是下午2pm，
特意挑了一個就在附近的腦神經科醫生，預約3:30pm。
距離出門時間只剩不足３小時，
我到底要怎麼勸服媽去看腦神經科醫生呢？
11:30am
「家姐！我啱啱同咗老闆請假，宜家返緊嚟！」話筒內傳來弟弟急速但堅定的聲音。
「吓？」我真的被他（不！應該是祂！）嚇呆了！
「我唔知呀！總之我個心囉囉孿，心血來潮，覺得一定要請假！
我同咗老闆講喇！話屋企有急事！」
「好呀......好呀！」顯然，我驚魂未定！
「到底宜家媽咪搞成點啫？」弟弟終於急了。
「其實我約咗腦神經科醫生o架喇！
但係諗咗幾日，到頭先都重諗緊點帶佢去睇！
你返嚟就啱喇！車我哋出去，幫手一齊勸掂媽咪！」
我一直都知道，嬉皮笑臉只不過是弟弟的表達方式，其實他也長大、明理了不少，
他在場，我放心多了，他對媽很有辦法。
「做咩妳唔一早同我講呀？」
「唔係我有心隱瞞，係你一返到嚟就坐埋爹哋隔離打Diablo 3，
佢早兩晚先嘈過我哋嚟，講到明唔好喺佢面前講媽咪個病，你叫我點同你講呢？」
「得啦！總之我宜家返嚟車妳哋！等我！......家姐呀，真係好神呀！」
「所以呢，要信耶穌！」暗自擔心了一星期，我笑了。=)
No comments:
Post a Comment