四缺一的〈全程長「啤」免費威尼斯人海嘯團〉

本來一家四口（兩頭貓兒不計！）的小旅行，結果被比弟因公事婉拒：
「星期一最忙o架！我唔想請假丟低啲嘢畀同事做呀！」
比弟真的長大了。

年尾前要清掉所有大假、很想住威尼斯人酒店、掛念澳門的豆花和葡撻......
其實散心無需理由。

出發！

1000到了中港城才買船票。
比媽：10點半船好吖！大把時間！仲夠鐘飲茶喎！
比：飲茶？！媽！妳知唔知宜家幾點？
比媽：唔知喎！
比：啤～～～～～～～～～～～～～～～～～～～～！

坐在大快活內，趁比媽如廁......
比：爹！老老實實！你點會揀阿媽o架？你份人咁講道理，佢份人咁...！
比爹：當年我就係諗到...無人要，好慘o家嘛！
比（又唻）：啤～～～～～～～～～～～～～～～～～～～～～～！

比：爹! 你認得自己個女嘛？
比爹：妳唔覺得我影得好有藝術感咩？
比媽：你做咩斬咗阿女個頭？（哩句好驚好血腥！）
比（再唻！）：啤～～～～～～～～～～～～～～～～～！

比媽（一貫滾水淥腳旅行作風地）：喂！行快啲吖！好曬呀！
比&比爹（一齊唻！）：啤～～～～～～～～～～～～～～～！

其實真係超勁曬！


香港嘅上海三六九菜館執吓一間執吓又一間，原來開咗喺澳門?!

〈全程長「啤」免費威尼斯人海嘯團〉嘅行程當然唔包哩啲貴嘢！

唔駛錢嘅勁靚勁大酒店房（圖為偏廳）！
wow~

推門而進......左邊一間獨立toilet，右邊浴缸+玻璃房企缸，中間大到可以開枱麻雀！
（圖為超豪浴室連廁所）
wow~

由於係屈蛇嘅關係，梳化為床。
好彩比弟無唻！比媽話地顫咁厚可以打地舖！x_x
偏廳哩邊連第二部電視！（無錯！大到電視都有兩部！），我嘅！
（圖為美女）
wow~~~~~~~~~~~~~ =.=v


大到會蕩失路嘅酒店配以一望無際嘅長走廊！
卒之喺臨退房之前搵到最近我哋房嗰個電梯大堂！

行程有誤，大叫回水！
預計中嘅三間教堂，最後淨係去得哩間嘉模聖母堂

好早嘅晚餐，取址於氹仔小飛象葡國餐廳。
發覺自己好鍾意哩類玻璃容器

比媽（打開餐牌）：嘩！樣樣都好貴呀！
比爹：唔緊要～ 妳頭先咪喺晃記買落好多杏仁餅嘅！妳自便喇！女呀！妳想食乜嘢？
比（都係嗰句！）：啤～～～～～～～～～～～～～～～～～～～！

話說哩晚比媽因為要追睇電視，催促我同比爹食完個好早嘅晚餐，就返酒店......
比媽（認真並很"娘"地）：哎呀！乜fing嗰幾吓隊哩艾艾艾杯還就fing到隻手傷咗要包紮！ 佢都真係幾落力喎！
比（救命！）：啤～～～～～～～～～～～～～～～～～～～～～～！

翌日
原來紅窗門街平日無乜生意......

一次過食齊煲仔飯+煲仔粥+魚翅！正正正！

後記：
Why?! Why me?!
幹嘛我竟然漏帶相機叉電器?!?! x_x

～ 完 ～